مرزا سلامت علی دبیر

پیدائش و زندگی

مرزا سلامت علی دبیر 1803ء میں دہلی میں پیدا ہوئے اور بعد ازاں لکھنؤ میں مستقل سکونت اختیار کی۔ انیس کے ہم عصر اور ادبی رقیب کے طور پر مشہور ہوئے۔

ادبی خدمات

دبیر کے مراثی میں فکر، وزن اور علمی محاسبات کا امتیاز ہے۔ انیس کے شور و شر کے مقابل دبیر کا کلام سنجیدگی اور متانت کا نمونہ ہے۔

وفات

1875ء میں لکھنؤ میں وفات پائی۔

ویکیپیڈیا سے تعارف

مرزا سلامت علی دبیر اردو مرثیہ گو تھے۔ مرزا غلام حسین کے بیٹے تھے۔ دہلی میں پیدا ہوئے۔ سات سال کی عمر میں والد کے ہمراہ لکھنؤ منتقل ہو گئے۔ سولہ برس کی عمر میں علوم عربی و فارسی میں دستگاہ بہم پہنچائی۔ بچپن سے مرثیہ گوئی کا شوق تھا۔ مشہور مرثیہ گو مظفر حسین ضمیر کے شاگرد ہوئے۔ جب میر انیس فیض آباد سے لکھنؤ آئے تو دونوں میں دوستی ہو گئی۔ 1857ء تک لکھنؤ سے باہر نہ نکلے۔ البتہ 1858ء میں مرشد آباد اور 1859ء میں پٹنہ عظیم آباد گئے۔ 1874ء میں ضعف بصارت کی شکایت ہوئی۔نواب واجد علی شاہ کی خواہش پر بغرض علاج کلکتہ تک گئے اور مٹیا برج میں مہمان ہوئے۔ بمقام لکھنؤ وفات پائی اور اپنے مکان میں دفن ہوئے۔ بہ کثرت مرثیے لکھے جو کئی جلدوں میں چھپ کر شائع ہو چکے ہیں۔ ایک پورا مرثیہ بے نقط لکھا ہے۔

ماخذ: https://ur.wikipedia.org/wiki/%D9%85%D8%B1%D8%B2%D8%A7_%D8%B3%D9%84%D8%A7%D9%85%D8%AA_%D8%B9%D9%84%DB%8C_%D8%AF%D8%A8%DB%8C%D8%B1